जेजुरी पुढारी वृत्तसेवा दिनांक 17 जेजुरी नगरपालिकेच्या सार्वत्रिक निवडणुकीच्या निमित्ताने निवडणूक विषयक कामकाजाची पाहणी करण्यासाठी महाराष्ट्र कृषी शिक्षण व संशोधन पुणे विभागाच्या सह संचालिका व निवडणूक निरीक्षक श्रीमती आरती भोसले या मंगळवार दिनांक 18 रोजी भेट देणार आहेत.
जेजुरी नगरपरिषदेची निवडणूक प्रक्रिया सध्या सुरू आहे. निवडणूक निर्णय अधिकारी शीतल मुळे, सहाय्यक निवडणूक निर्णय अधिकारी चेतन कोंडे यांच्या मार्गदर्शनाखाली निवडणुकीचा कार्यक्रम राबविला जात आहे.येथील निवडणुक विषयक कामकाजाची माहिती,आढावा घेण्यासाठी निवडणूक निरीक्षक आरती भोसले भेट देणार आहेत.अशी माहिती तहसीलदार व निवडणूक निर्णय अधिकारी शीतल मुळे यांनी दिली.