दहा नगरसेवक पदाच्या उमेदवारांची माघार
नगराध्यक्ष पदासाठी तीन तर नगरसेवक पदासाठी पन्नास जन रिंगणात.
जेजुरी वार्ताहर दिनांक 21 जेजुरी नगरपरिषदेच्या निवडणुकीतून आज अर्ज माघार घेण्याचा अखेरच्या दिवशी 10 नगरसेवक पदाच्या उमेदवारांनी आपले अर्ज मागे घेतले.आता 10 प्रभागातून 20 जागेसाठी 50 उमेदवार निवडणुकीच्या रिंगणात आहेत.तर नगराध्यक्ष पदासाठी तीन उमेदवारांच्या तिरंगी लढत होणार आहे.
जेजुरी नगरपरिषदेच्या सार्वत्रिक निवडणुकीत नगराध्यक्ष पदासाठी राष्ट्रवादी काँग्रेसचे जयदीप बारभाई,भाजपाचे सचिन सोनवणे तर शिवसेना शिंदे गटाकडून दिनेश सोनवणे यांच्यात तिरंगी लढत होणार आहे.
नगराध्यक्ष पदासाठी बारभाई आणि सोनवणे यांच्यात अनेक वर्षांपासून नगराध्यक्ष पदासाठी चुरशीची लढत होत होती ,या निवडणुकीत पुन्हा दोन्ही उमेदवार आमने सामने आले आहेत.तर शिवसेनेचे दिनेश सोनवणे तिरंगी सामन्यात उतरल्याने नागरिकांची उत्कंठा वाढली आहे.
आज अखेर 10 नगरसेवक पदाच्या उमेदवारीची आपले उमेदवारी अर्ज घेतले आहेत.या पैकी 9 उमेदवारांनी अपक्ष अर्ज दाखल केला होता.तर भाजपाची उमेदवारी न मिळाल्याने भाजपाचे माजी शहर अध्यक्ष गणेश भोसले यांनी शिवसेना गटाकडून उमेदवारी अर्ज दाखल केला होता.त्यांनी बंडखोरीचे निशाण फडकावले होते.मात्र वरिष्ठ पक्षश्रेठीच्या चर्चे नंतर भाजपाचे काम पुन्हा करण्यासाठी भोसले यांनी आपला अर्ज मागे घेतला आहे.
तसेच राष्ट्रवादी काँग्रेसचे जेजुरी शहर अध्यक्ष रमेश लेंडे यांना ही पक्षाकडून उमेदवारी न मिळाल्याने त्यांनी अपक्ष निवडून लढवण्याचा निर्णय घेतला होता मात्र पक्षाकडून त्यांची नाराजी काढण्यात असल्याने लेंडे व भोसले यांची बंडखोरी शमली आहे.
आता 10 प्रभागातून 20 जागेसाठी 50 जण नगरसेवक पदासाठी निवडणुकीच्या रिंगणात उतरले आहेत.
जेजुरी शहरात निवडणुकीचे वातावरण तापले असून,प्रत्येक उमेदवार मतदारांच्या घरी जावून भेटी घेत आहेत.दिनांक 26 रोजी उमेदवारांना चिन्ह वाटप झाल्यावर निवडणुकीतील आणखी रंग भरणार आहे.
जेजुरी नगरपरिषदेची निवडणूक ही अर्थपूर्ण होत असल्याने त्यावरच अनेक उमेदवारांचे भविष्य ठरणार आहे.