भाजपा सरकारने राज्यातील सर्वच तीर्थक्षेत्राचा विकास हाती घेतला आहे.जेजुरी तीर्थक्षेत्र आराखड्याच्या माध्यमातून विकसित होत असताना एक उत्कृष्ट पर्यटनक्षेत्र म्हणून विकास करून रोजगाराची संधी शासनाच्या माध्यमातून उपलब्ध होणार असल्याचे भाजपाचे प्रदेशाध्यक्ष रवींद्र चव्हाण यांनी जेजुरी येथे बोलताना सांगितले.
जेजुरी नगरपरिषद निवडणुकीच्या पार्श्वभूमीवर भाजपाच्या उमेदवारांच्या प्रचारार्थ भाजपाचे राज्याचे प्रदेशाध्यक्ष रवींद्र चव्हाण यांच्या सभेचे आयोजन करण्यात आले होते.
या सभेत बोलताना प्रदेशाध्यक्ष रवींद्र चव्हाण म्हणाले की,
राज्याचे मुख्यमंत्री देवेंद्र फडणवीस हे राज्यातील प्रत्येक तीर्थक्षेत्राचा पर्यटनक्षेत्र म्हणून विकास करण्यासाठी प्रयत्न करीत आहेत.या विकासामागे दूर दृष्टी ठेवून रोजगाराची संघी उपलब्ध करून दिली जात आहे.
देशाचे पंत प्रधान नरेंद्र मोदी हा देश पुढे नेण्यासाठी गरिबी हटाव अभियानांतर्गत देशातील 80.कोटी नागरिकांना अन्न सुरक्षा योजना सुरू केली,प्रत्येकाला हक्काचे घर असावे यासाठी पंत प्रधान आवास योजना राबविली,जनतेच्या आरोग्यासाठी आयुष्यमान भारत योजना राबविली याचा लाभ कोट्यवधी सर्वसामान्य जनता घेत आहे.या योजना राबवित असताना त्यांनी कोणालाही जात विचारली नाही.
जेजुरी शहराचा तीर्थक्षेत्र म्हणून विकास करायचा असेल तर व्हिजन असणाऱ्या उमेदवारांना निवडून दिले पाहिजे.चुकीच्या माणसांकडे सत्ता गेली तर विकास होवू शकणार नाही.माजी आमदार संजय जगताप यांनी भाजपकडून व्हिजन असणारे उमेदवार उभे केले आहेत .त्यांनाच विजयी करा.
भारत देश महासत्ता कडे निघाला आहे,जेजुरी शहराच्या विकासासाठी भाजपाला मतदान करा,भ्रष्टाचारी लोकांच्या हातात सत्ता दिली तर विकास होईल का याचा विचार करा. आम्ही विकासासाठी कटिबध्द आहोत असे आपल्या भाषणात सांगितले.
यावेळी माजी आमदार संजय जगताप यांनी पाच वर्षात जेजुरीत राबविण्यात आलेल्या कामांची माहिती देवून विरोधकांनी केलेल्या टीकेवर रोखठोक भूमिका व्यक्त केली. नगराध्यक्ष पदाचे उमेदवार सचिन सोनवणे यांची भाषणे झाली.
यावेळी आमदार योगेश टिळेकर,विक्रांत पाटील,माजी आमदार अशोक टेकवडे,भाजपाचे महामंत्री राजेश पांडे,जिल्हाध्यक्ष शेखर वढणे,बाबाराजे जाधवराव,स्नेहल दगडे, गंगाराम जगदाळे,सचिन पेशवे आदी उपस्थित होते