उरुळी कांचन पोलीस ठाणे हद्दीत मंदिरात चोरी — चोर सीसीटीव्हीत कैद

Photo of author

By Sandhya

हवेली तालुक्यातील उरुळी कांचन पोलीस ठाणे हद्दीत मंदिरातील दान पेटी फोडून चोरी झाली असुन चोर सीसीटीव्ही मध्ये कैद झाला आहे.

जेजुरी–बेल्हे राज्य मार्गावरील कोरेगाव मुळ ग्रामपंचायत हद्दीतील बोधे काकडे वस्ती येथील दत्त मंदिरात अज्ञात चोरट्याने दानपेटी फोडून रोख रक्कम वर डल्ला मारला आहे. ही घटना शनिवारी मध्यरात्री दीडच्या सुमारास घडल्याचे समोर आले आहे. चोरट्याचा संपूर्ण हालचालीचा प्रकार मंदिर परिसरात लावलेल्या सीसीटीव्ही कॅमेऱ्यात स्पष्टपणे कैद झाला आहे. चोराने मंदिराच्या दाराजवळील दानपेटी जबरदस्तीने कटरच्या साह्याने उघडून त्यातील रोख रक्कम लंपास केली. शनिवारी सकाळी मंदिर व्यवस्थापक व ग्रामस्थांनी ही बाब लक्षात घेताच तत्काळ ११२ या हेल्प लाईनवर संपर्क करुन घटनेची माहिती दिली आहे. या घटनेमुळे परिसरातील नागरिकांमध्ये भीतीचे वातावरण पसरले आहे. घटनास्थळी उरुळी कांचन पोलिसांनी भेट दिली असून पुढील तपास करत आहेत.

Leave a Comment

You cannot copy content of this page