पुणे – पुणे शहरातील गुन्हे शाखेच्या अंमली पदार्थ विरोधी पथक १ ने मोठी कारवाई करत मेफेड्रोन (एम.डी) सारखा घातक अंमली पदार्थ विकणाऱ्या एका तरुणाला अटक केली आहे. ३.७८ लाख रुपये किमतीचा मुद्देमाल जप्त करण्यात आला असून, आरोपीविरोधात एन.डी.पी.एस. कायद्यानुसार गुन्हा दाखल करण्यात आला आहे.
ही कारवाई सोमवार (३० जून) रोजी उंटाड्या मारुती मंदिराच्या मागे, के.एम. हॉस्पिटलच्या भिंतीलगत, त्रिमूर्ती कॉम्प्लेक्स समोर, रास्ता पेठ येथे करण्यात आली. आकिब अशफाक शेख (वय २८, रा. भवानी पेठ) हा तरुण संशयास्पदरीत्या फिरताना आढळून आला. पोलिसांनी त्याची झडती घेतली असता त्याच्याकडे १८ ग्रॅम ६७ मिलीग्रॅम मेफेड्रोन (एम.डी) हा प्रतिबंधित अंमली पदार्थ सापडला.
त्याच्याकडून ३,७३,४०० रुपये किंमतीचा एम.डी., मोबाईल व इतर साहित्य मिळून एकूण ३,७८,४०० रुपयांचा मुद्देमाल जप्त करण्यात आला आहे.
गुन्हा दाखल, आरोपीला अटक
या प्रकरणी समर्थ पोलीस ठाण्यात गु.र.नं. १४६/२०२५ अन्वये एन.डी.पी.एस. अ‍ॅक्टच्या कलम ८(क), २२(ब) अंतर्गत गुन्हा दाखल करण्यात आला असून, आरोपीला अटक करण्यात आली आहे.
वरिष्ठ अधिकाऱ्यांच्या मार्गदर्शनाखाली कारवाई
ही कारवाई मा. अपर पोलीस आयुक्त (गुन्हे) श्री. पंकज देशमुख, मा. पोलीस उप आयुक्त (आर्थिक व सायबर गुन्हे) श्री. विवेक मासाळ, आणि सहाय्यक पोलीस आयुक्त (गुन्हे १) श्री. गणेश इंगळे यांच्या मार्गदर्शनाखाली पार पडली.
कारवाईत पोलिस निरीक्षक प्रशांत अन्नछत्रे, सहाय्यक पोलीस निरीक्षक अनिल सुरवसे यांच्यासह अंमली पदार्थ विरोधी पथकाचे पोलीस अंमलदार विशाल दळवी, सचिन माळवे, संदिप शिर्के, प्रविण उत्तेकर, विनायक साळवे, दयानंद तेलंगे, सर्जेराव सरगर, सुहास डोंगरे, विपुल गायकवाड, संदेश काकडे, दत्ताराम जाधव, रेहाना शेख, स्वप्नील मिसाळ यांनी सहभाग घेतला.