सासवड बस स्थानकात प्रवेश करताना मोठा खड्डा तयार झाला असून सततच्या पावसामुळे त्याची खोली वाढत आहे. सासवड एसटी बस स्थानकामधुन २५० पेक्षा जास्त बस ये- जा करीत असतात. याशिवाय स्थानकाच्या आवारातच सीएनजी पंप आहे, त्यामुळे येथे सतत वर्दळ असते. पाण्याचा निचरा करण्यासाठी असलेले गटार बंद झाल्याने तिथे पाणी साठून खड्डा तयार झाला आहे, त्यामुळे पादचाऱ्यांसोबतच वाहने आत जाताना अडचणीचे होत आहे.