बारामती-सोशल मीडियावर व्हायरल होण्यासाठी व शहरात दहशतीचे वातावरण निर्माण करणाऱ्या चार बुलेटस्वारांवर बारामती तालुका पोलिसांनी ग्रामीणचे पोलिस निरीक्षक चंद्रशेखर यादव यांच्या मार्गदर्शनाखाली कडक कारवाई केली.या तरुणांनी कटफळ पालखी मार्गावरिल पुलाखाली मोठ्या आवाजात जाळ आणि धूर काढत रेसिंग करत रिल्स बनवली होती.ही व्हिडिओ क्लिप सोशल मिडीयावर व्हायरल झाल्यानंतर पोलिसांनी गंभीर दखल घेतली.रिल्समध्ये वापरलेल्या चारही बुलेट गाड्या पोलिसांनी ताब्यात घेतल्या असून संबंधित चालकाविरुद्ध वाहतूक नियमांचे उल्लंघन,ध्वनिप्रदूषण आणि सार्वजनिक शांतता भंग केल्याबद्दल कायदेशीर कारवाई करण्यात आली आहे.व्हायरल होण्याच्या स्पर्धेमुळे युवकांमध्ये रेसिंग,धूर काढणे आणि आवाज वाढविणे याप्रकारात वाढ होत आहे.यामुळे केवळ नागरिकांमध्ये भीतीचे वातावरण निर्माण होत नाही,तर शहरात वाहतूकीलाही मोठा धोका निर्माण होतो अशी प्रतिक्रिया स्थानिक नागरिकांकडून होत आहे.