करवीर पिठाचे शंकराचार्य यांचे हस्ते जेजुरी गडावर घटस्थापना.
जेजुरी पुढारी वृत्तसेवा दिनांक 21 महाराष्ट्राचे कुलदैवत आणि बहुजन समाजाचा लोकदेव असणाऱ्या जेजुरीच्या खंडोबा देवाच्या चंपाषष्ठी उत्सवाला शुक्रवार दिनांक 21 रोजी प्रारंभ झाला. करवीर पिठाचे शंकराचार्य नृसिंह भारती यांच्या हस्ते विधिवत पूजन करून घटस्थापना करण्यात आली.
महाराष्ट्राचे कुलदैवत असणाऱ्या जेजुरीच्या खंडोबा देवाच्या वर्षाकाठी मोठ्या आठ यात्रा भरतात.चंपाषष्ठी उत्सवाला पौराणिक व धार्मिक महत्व आहे. मनी मल्ल दैत्यांचा संहार करण्यासाठी भगवान शंकराने खंडोबाचा अवतार घेवून या दैत्यांवर विजय मिळविला. या विजयाचे प्रतीक म्हणून पौराणिक काळा पासून खंडोबा देवाचा चंपाषष्ठी उत्सव साजरा केला जातो.
मार्गशीर्ष प्रतीपदा शुक्रवार दिनांक 21 रोजी सकाळी खंडोबा मंदिरात पाकाळणी करून पूजा अभिषेक करण्यात आले.चंपाषष्ठी उत्सवानिमित्त श्री खंडोबा व म्हाळसा देवींच्या उत्सव मूर्ती वाजत गाजत जेजुरी गडावरील बालदवारीत आणण्यात आल्या.शंकराचार्य नृसिंह भारती,देवसंस्थानचे प्रमुख विश्वस्त मंगेश घोणे, विश्वस्त विश्वास पानसे, गुरव घडशी वीर कोळी पुजारी सेवक वर्गाच्या वतीने या उत्सव मूर्तींवर अभिषेक घालून समाज आरती करून उत्सव मूर्तींची घटस्थापना करण्यात आली.
यावेळी घडशी समाजाच्या वतीने सुमंगल असे सोलो वादन करण्यात आले. या धार्मिक विधींचे पौरोहित्य वेदमूर्ती शशिकांत सेवेकरी यांनी केले.यावेळी माजी विश्वस्त डॉ प्रसाद खंडागळे,नितीन राऊत,संदीप घोणे,देवाचे मानकरी,पालखी सोहळ्याचे पदाधिकारी ,ग्रामस्थ उपस्थित होते.
या उत्सवानिम्मित खंडोबा मंदिरात व मुख्य मंदिरावर फुलांची आकर्षक सजावट करण्यात आली. तसेच संपूर्ण मंदिर परिसर व गडावर आकर्षक विद्युत रोषणाई करण्यात आली आहे.
जयमल्हार चंपाषष्ठी अन्नछत्र प्रतिष्ठानच्या वतीने हजारो खंडोबा भाविकांसाठी महाप्रसादाची व्यवस्था करण्यात आली आहे.सलग सहा दिवस ही व्यवस्था उपलब्ध करण्यात आली आहे.
जयमल्हार चंपाषष्ठी अन्नछत्र प्रतिष्ठानचे गणेश आगलावे,प्रशांत सातभाई,अविनाश सातभाई, देवल बारभाई,अनिल आगलवे,धनंजय आगलावे,हनुमंत लांघि,माधव बारभाई,सुधाकर मोरे,हरिभाऊ लांघी ,दीपक बारभाई,पप्पू सात भाई,चेतन सातभाई,समीर मोरे,जय बारभाई व पुजारी सेवक वर्गाच्या वतीने या उत्सवाचे केले