हरियाणाच्या हिसारची युट्यूबर ज्योती मल्होत्रा सध्या बरीच चर्चेत आहे. ज्योतीचे कारनामे पाहून स्वत: पोलिसांच्याही तोंडचे पाणी पळाले आहे. अवघा 20 हजार रुपये पगार असताना महागड्या फ्लॅटमध्ये भाड्याने राहायची, महागड्या हॉटेलात जायची आणि अनेक देश फिरून यायची… हा सर्व प्रकार समोर आल्याने पोलीस हैराण झाले आहेत. भारताचा नंबर एकचा शत्रू असलेल्या पाकिस्तानसाठी ज्योती हेरगिरी करत असल्याचं उघड झालं आहे. चीनसाठीही तिने हेरगिरी केली का? याचा पोलीस तपास करत आहेत. पोलीस आता तिची संपूर्ण कुंडली काढत आहे.
पाकिस्तानसाठी ज्योती म्होत्रा हेरगिरी करायची. त्यासाठी तिला केवळ पैसेच मिळत नव्हते. तर पाकिस्तान आणि चीनच्या दौऱ्यात व्हीआयपी ट्रिटमेंटही मिळायची. एवढेच नव्हे तर ती जेव्हाही पाकिस्तानात जायची तेव्हा तिला पाकिस्तान पोलिसांचं संरक्षण मिळायचं. तसेच पाकिस्तानातील कोणत्याही भागात, कोणत्याही शहरात आणि कोणत्याही गल्लीत मुक्त फिरण्याची तिला मुभा होती. पाकिस्तानात एखादा भारतीय गेल्यावर त्याच्यावर लक्ष ठेवलं जातं. तो कुठे जातो? काय करतो? किती दिवस राहतो यावर लक्ष ठेवलं जातं. ज्योतीसाठी मात्र अख्खं पाकिस्तान ओपन करून दिलेलं होतं. तिला पाकिस्तानातील हायप्रोफाईल पार्ट्यांमध्येही सहभागी करून घेतलं जात होतं.
चीनमध्ये रेड कार्पेट
तिचे वडील ऊर्जा खात्यातून निवृत्त झाले आहेत. पेन्शवर तिचं घर चालतं. पण ज्योती प्रचंड खर्च करायची. विशेष म्हणजे युट्यूबमधून मिळणारी कमाई सुद्धा ती खर्च करत नसायची. तिचा फिरण्याचा सर्व खर्च पाकिस्तानी अधिकारी करायचे. विमान असो वा ट्रेन… ती फर्स्ट क्लासने फिरायची. महागड्या हॉटेलात राहायची. हा सर्व खर्च पाकिस्तानी अधिकारी करायचे, असं तपासातून उघड झालं आहे. पोलिसांनी ज्योतीचा कसून तपास केला आहे. यावेळी तिने एक एक माहिती समोर दिली आहे. तिची माहिती ऐकून पोलिसांना धक्काच बसला. चीन दौऱ्यावर गेल्यावर व्हीआयपी ट्रिटमेंट मिळाल्याची माहिती तिने दिली आहे.
चिनी अधिकाऱ्याशी भेट
ज्योती पाकिस्तानातील व्हिआयपी पार्ट्यांमध्ये सहभागी व्हायची. पाकिस्तानच्या उच्चायोगातील अधिकारी दानिश याच्यासोबत ती अनेक पार्ट्यांमध्ये सामील व्हायची. दानिश यानेच तिची एका पार्टीत चीनी अधिकाऱ्यांशी भेट घालून दिल्याचं सांगितलं जातं. त्यामुळे आता ज्योतीने पाकिस्तानसाठीही हेरगिरी केली का? याचा शोधही घेतला जात आहे.
या देशातही गेली
ज्योती फक्त पाकिस्तान किंवा चीनलाच गेली नव्हती तर पाकिस्तानी अधिकाऱ्यासोबत इंडोनेशिया, थायलंड, दुबई, भूतान, बांग्लादेश आणि नेपाळलाही जाऊन आली आहे. पोलिसांच्या चौकशीत तिने 22 ऑक्टोबर 2018 रोजी तिचा पासपोर्ट बनल्याचं सांगितलं. तिचा पासपोर्ट 21 ऑक्टोबर 2028 पर्यंत व्हॅलिड आहे.