काँग्रेसचे खासदार आणि लोकसभेतील विरोधी पक्षनेते राहुल गांधी गुजरातच्या दौऱ्यावर आहे. अहमदाबादमध्ये त्यांनी काँग्रेस कार्यकर्त्यांची भेट घेतली. कार्यकर्त्यांना संबोधित करताना राहुल गांधींनी पंतप्रधान मोदी आणि भाजपवर जोरदार हल्ला चढवला.
राहुल गांधी म्हणाले की, ‘अयोध्येत जसा भाजपचा पराभव झाला तसाच गुजरातमध्येही पराभव होणार आहे. जर पंतप्रधान मोदींनी वाराणसीमध्ये अडचणीने जिंकले असते तर ते अयोध्येत हरले असते.
ते काशीत काठावर जिंकले, ते केवळ 1 लाख मतांनी विजयी झाले. गुजरातमध्ये काँग्रेस पक्ष विजयी होईल आणि येथून नवा पक्ष स्थापन होईल.’ असा विश्वास व्यक्त करत गांधींनी पंतप्रधानांवर हल्लाबोल केला.
राहुल यांनी गुजरातच्या जनतेला सांगितले की, ‘तुम्ही खूप त्रास सहन केला आहे, तुमच्यावर खूप लाठीचार्ज झाला, मला तुम्हाला सांगायचे आहे की एआयसीसी टीम, मी, माझी बहीण प्रियंका, सर्व वरिष्ठ नेते तुमच्यासोबत उभे राहू. सर्वजण मिळून त्यांचे सरकार पाडू. मी तुम्हाला सांगण्यासाठी आलो आहे, असे राहुल गांधी म्हणाले.
त्यांनी आमच्या कार्यालयावर हल्ला केला आहे, आम्हाला घाबरण्याची गरज नाही. त्यांनी आम्हाला आव्हान दिले आहे. गुजरातमध्ये भाजपचा पराभव करायचा आहे, हे आव्हान आहे. आता गुजरातमध्ये काँग्रेस पक्ष नरेंद्र मोदी आणि भाजपचा पराभव करेल.
– मला गुजरातच्या लोकांना एक गोष्ट सांगायची आहे , तुम्ही घाबरू नका. आमच्या पक्षातील लोक मला माझ्या खोलीत सांगतात, आमचे कार्यकर्ते घाबरत नाहीत. आम्ही इंग्रजांशी लढलो, आम्ही घाबरलो नाही. राहुल म्हणाले की, ‘संसदेत मी अयोध्येच्या खासदाराला विचारले की, या भाजपने निवडणुकीपूर्वी संपूर्ण राजकारण केले, त्यांनी राम मंदिराचे पावित्र्य केले… पण अयोध्येत इंडिया आघाडीने निवडणूक जिंकली, काय झाले? हे सर्वाना माहिती आहे.
भाजपचे संपूर्ण आंदोलन राममंदिर, अयोध्येसाठी असल्याचे राहुल म्हणाले. अडवाणीजींनी रथयात्रेची सुरुवात केली होती. त्या रथयात्रेत नरेंद्र मोदीजींनी अडवाणींना मदत केली होती असे म्हणतात.
मी संसदेत विचार करत होतो की त्यांनी राम मंदिराचे उद्घाटन केले आणि उद्घाटनाला अदानी-अंबानीजी दिसले पण गरीब लोक दिसले नाहीत. अयोध्या विमानतळासाठी शेतकऱ्यांच्या जमिनी घेतल्या मात्र शेतकऱ्यांना आजपर्यंत नुकसान भरपाई मिळालेली नाही. असा आरोप राहुल गांधी यांनी यावेळी केला.