सातारा रस्त्यावरील डी मार्ट शेजारी असलेल्या इलेक्ट्रॉनिक्सच्या दुकानात रात्री सव्वा दोनच्या सुमारास शॉर्ट सर्कीटमुळे जोरदार स्फोट झाला. याची भीषणता एवढी होती की, हे दुकान असलेल्या इमारतीचे आणि आजूबाजूच्या लोकांच्या घरांचे नुकसान झाले आहे. रात्री अग्निशमन दलाला माहिती मिळताच , त्यांनी मोठया शिताफीने आगीवर नियंत्रण मिळवले.
दरम्यान, दुकानातील सर्व इलेक्ट्रॉनिक वस्तू जळून खाक झाल्या आहेत. सहकारनगर पोलिसांकडून पंचनामा सुरू आहे. पोलिसांनी दिलेल्या माहितीनुसार रात्री सव्वादोनच्या सुमारास हा स्फोट झाला.
या स्फोटमुळे आजूबाजूला राहत असलेल्या रहिवाशांच्या घराच्या खिडक्यांच्या काचा फुटल्या आहेत. तर दुकान असलेल्या इमारतीचे प्रचंड नुकसान झाले आहे. या घटनेत सुदैवाने जीवित हानी घडली नसून, नुकसान मात्र जास्त झाले आहे. या घटनेचा पुढील तपास सहाय्यक पोलीस निरीक्षक समीर शेंडे करत आहेत.