शिरोली (शिंदेवस्ती), ता.खेड येथे अनैतिक संबंधातून प्रेमीने ४६ वर्षीय विवाहित महिलेचा धारदार हत्याराने गळा चिरून निर्घृण खून केल्याची धक्कादायक घटना उघडकीस आली आहे. ही घटना गुरुवारी (दि. १३ ) रात्री ११.२० वाजण्याच्या सुमारास घडली असून, खेड पोलीस ठाण्यात खूनाचा गुन्हा दाखल करण्यात आला आहे.
मृत महिलेचे नाव रूपाली विलास वाडेकर (वय ४६, रा. कल्याण, जि. ठाणे) असे आहे. ती मूळची ठाणे जिल्ह्यातील असली तरी गेल्या काही दिवसांपासून ती खेड येथील प्रेमीच्या घरी वास्तव्यास होती. आरोपी ललित दिपक खोल्लम (वय ३७, रा. शिंदेवस्ती शिरोली, ता. खेड) याच्याशी रूपालीचे अनैतिक संबंध होते. दोघांमध्ये सतत भांडणं होत होती. त्याच रागातून ललितने रूपालीचा गळा चिरून खून केल्याचा प्राथमिक संशय आहे.
शिरोली येथील एका इमारतीत दुसऱ्या मजल्यावरील ही घटना फ्लॅटमध्ये घडली. रात्री उशिरापर्यंत दोघांमधील भांडणाचे काही आवाज आल्याचे शेजाऱ्यांनी सांगितले. मात्र चौकशी अंती सव्वा अकरा वाजता रक्तबंबाळ अवस्थेत रूपालीचा मृतदेह आढळल्यानंतर एकच खळबळ उडाली. खेड पोलीस ठाण्यातील पोलीस हवालदार सुदर्शन सुखदेव माताडे यांनी याबाबत फिर्याद दिली असून, ललित खोल्लम याच्या विरोधात खुनाचा गुन्हा दाखल करण्यात आला आहे.आरोपी या पुर्वी काही वर्ष एका गुन्ह्यात तुरुंगात होता. त्यापुर्वी ठाण्यात असताना दोघांचे प्रेमसंबंध जुळले होते. महिलेचे पती मयत झाले असल्याने नातेवाईकांकडे शिरोली येथे ती राहायला होती. असे पोलिसांनी सांगितले. सदर गुन्ह्याचा तपास पोलीस निरीक्षक सुभाष चव्हाण हे करीत आहेत, तर गुन्हा दाखल करणारे पोलीस उपनिरीक्षक श्रीकांत गोडगे आहेत.आरोपी ललित हा घटनेनंतर फरार असून पोलिसांनी त्याचा कसून शोध सुरू केला आहे. प्रेमप्रकरणातून महिलेचा अत्यंत क्रूरपणे खून झाल्याने परिसरात भीतीचे वातावरण निर्माण झाले आहे