कर्मचाऱ्यांना जीव मुठीत काम करण्याची वेळ,
कोट्यवधीची उलाढाल होणारी इमारतच गॅसवर,
प्रशासनाची वाहने पडली भंगारात,
येरवडा येथील ब्रिटिशकालीन उभारलेल्या व सध्या प्रशासनाचे सुरू असलेल्या भूमी अभिलेख तसेच जिल्हा हिवताप कार्यालयाची असलेली इमारत धोकादायक बनल्याने येथील पदाधिकारी व कर्मचाऱ्यांना जीव मुठीत घेऊन कार्यरत रहावे लागत आहे.यामुळे राज्य प्रशासन अधिकारी व कर्मचाऱ्यांच्या जीवाशी खेळत असल्याचा आरोप करण्यात येत आहे. येरवडालोहगाव ब्रिटिश राजवटीत सन१९२२रोजी ब्रिटिशांच्या वतीने दोन मजली इमारत उभारण्यात आली असून देशाला स्वातंत्र्य मिळाल्यावर कालांतराने राज्य प्रशासनाच्या वतीने येथील तळमजल्यावर बंगला क्रमांक पाच भूमिअभिलेख कार्यालय हवेली तसेच पहिल्या मजल्यावर जिल्हा हिवताप कार्यालय उभारण्यात आले आहे.तळमजल्यावर भूमिअभिलेख कार्यालय असल्याने हवेली तालुक्यातील अनेक शेतकरी अथवा गुंठामंञी कार्यालयात जमिनीमध्ये नाव नोंदणी,ताबा,मोजणी आदी कामासाठी तर वरील मजल्यावर हिवताप कार्यालय असल्याने खोकला,सर्दी,ताप आदी आजारातील रुग्णांची वर्दळ येथील कार्यालयात दिसून येत आहे.मात्र उभारलेली इमारतीला जवळपास एकशे तीन वर्षे पूर्ण होण्याच्या मार्गावर असताना देखील संबंधित इमारतीची डागडुजी अथवा सुधारणा करण्यात आली नसल्याने येथे येणाऱ्या नागरिकांना किंवा कर्मचाऱ्यांना जीव मुठीत घेऊनच येथे येण्याची वेळ आली आहे.त्यास कारण ही तसेच आहे.शासकीय इमारतीच्या आवारात मोठ्या प्रमाणात झाडे झुडपे वाढल्याने सरपटणाऱ्या प्राण्यांचे प्रमाणा दिवसेदिवस वाढले आहे.तर पहिल्या मजल्यावरील कार्यालयात एक गॅलरी उभारण्यात आली आहे.मात्र असलेली गॅलरी ची मोठ्या प्रमाणात दुरावस्था होऊन या ठिकाणी एखादा नवखा व्यक्ती आल्यास अपघात होण्याची शक्यता नाकारता येत नाही.त्यामुळे येथे गंभीर स्वरूपाचा अपघात झाल्यास यास जबाबदार कोण?राहणार असा संतप्त सवाल नागरिकांकडून करण्यात येत असताना इमारतीच्या छतावर जुन्या काळातील कौले बसविण्यात आली आहे.परंतु पावसाळ्यात पूर्ण इमारतीमध्ये गळती लागून पावसाचे पाणी इमारतीमध्येच शिरत असल्याने अधिकाऱ्यांना नाईलाजास्तव असलेल्या छतावर ताडपत्री टाकून ते खाकण्याची वेळ आली आहे.यामुळे येथे कार्यरत असलेल्या कर्मचाऱ्यांचा पावसापासून बचाव होत आहे.
येथील खिडक्यांच्या काचा देखील फुटलेल्या अवस्थेत असून येथील शासकीय कार्यालयाच्या आवारात कोणी ही साफसफाई कर्मचारी हे सफाई करण्यासाठी येत नसल्याने येथे साचलेला कचरा नाईलाजास्तव जाळण्याची वेळ येत आहे.यामुळे परिसरात जाळलेल्या कचऱ्यामुळे परिसरात प्रदूषणात वाढ होत असल्याने या ठिकाणी कार्यरत असलेल्या पदाधिकारी व कर्मचारी यांना दम्यासारखे विकार होण्याची शक्यता नाकारता येत नाही.कार्यालयाच्या आवारात मोकळे पटांगण असल्याने रात्रीच्या सुमारास या ठिकाणी अनेक दारुडे हे दारू पिण्याचा आनंद घेत आहे.त्यामुळे असलेले शासकीय कार्यालय हे दारुड्यांचा अड्डाच बनल्याने परिसरातील कायदा सुव्यवस्थेचा प्रश्न गंभीर बनला आहे.तर या ठिकाणी प्रशासनाच्या वतीने वापरण्यात येणारी अनेक वाहने धूळखात पडून असून ती भंगारात पडल्याने वाहनात अनेकदा पावसाचे पाणी साचत असल्यामुळे येणाऱ्या नागरिकांना येथील हिवताप कार्यालय हे डेंग्यू,मलेरिया यासारख्या गंभीर आजाराचे निमंत्रण देत आहे.विशेष करून येथील कार्यालयातूनच जनतेमध्ये या गंभीर आजाराबाबत जनजागृती केली जात असतानाच ह्या कार्यालयासह येथील अधिकारीच सलाईनवर असल्याची म्हणण्याची वेळ खुद्द नागरिकांवर आली आहे.
इमारतीच्या हाकेच्या अंतरावरच हिवताप कार्यालयाचे गोडाऊन असले तरी ते असून अडचण आणि नसून खोळंबा अशी परिस्थिती येथील गोडाऊनची झाली असून येथील गोडाऊनच्या खिडक्यांच्या काचा फुटलेल्या अवस्थेत असून परिसरात मोकाट कुत्र्यांचा वावर वाढल्याने नागरिकांमध्ये भीतीचे वातावरण दिसून येत आहे.विशेष म्हणजे या ठिकाणी राजरोजपणे जवळपास कोट्यवधी रुपयांची उलाढाल होत असताना देखील संबंधित अशा प्रकारची बिकट अवस्था झाली असेल तर सर्वसामान्य नागरिकांची काय?अवस्था होत असेल हे सांगणे कठीण आहे.त्यामुळे एखाद्या दिवशी संबंधित इमारत कोसळून गंभीर स्वरूपाची दुर्घटना घडली तर यास जबाबदार कोण?असा संतप्त सवाल नागरिकांकडून करण्यात येत आहे.तर कार्यालयात वरिष्ठ अधिकारीच जागेवर उपलब्ध राहत नसल्याने कार्यालयात येणाऱ्या नागरिकांना अनेकदा चकरा मारून रिकाम्या हाताने माघारी फिरण्याची वेळ येत असल्याने अधिकाऱ्याबाबत आता नागरिकांनाच आपण यांना पाहिलत का?हे नामफलक कार्यालयाच्या बाहेर लावण्याची वेळ आली असून कार्यालयातील अधिकारी झाले गायब असे म्हणण्याची वेळ नागरिकांवर आली असून यासंदर्भात भूमिअभिलेख कार्यालयाचे उपाधीक्षक विकास गोफणे तर जिल्हा हिवताप विभागाच्या नियंत्रण अधिकारी अपर्णा पाटील यांना प्रत्यक्ष त्यांच्या केबिनमध्ये भेटण्याचा प्रयत्न केला असता त्या ठिकाणातील असलेल्या त्यांच्या खुर्च्या रिकाम्या आढळून आल्याने वरिष्ठ अधिकाऱ्यांच्या कामकाजाबाबत शंका उपस्थित होत आहे.त्यामुळे धोकादायक झालेल्या कार्यालय इमारतीची दुरुस्ती अथवा असलेले कार्यालये इतरत्र स्थलांतरित करण्यात यावेत.जेणे करून अनेकांचे प्राण वाचू शकतील.