गिनीज वर्ल्ड रेकॉर्ड गौरव: मुख्यमंत्री देवेंद्र फडणवीस यांनी ‘मिसिंग लिंक’ प्रकल्पासाठी नवयुगाचे कौतुक केले.
मुंबई, १ मे २०२६: Navayuga Engineering Company Limited (NECL) ने मुंबई-पुणे एक्सप्रेसवे ‘मिसिंग लिंक’ प्रकल्पाचा भाग म्हणून जगातील सर्वात रुंद भूमिगत बोगदा तयार करून कारकिर्दीतला दुसरा गिनीज वर्ल्ड रेकॉर्ड पटकावला आहे. हा अभूतपूर्व पराक्रम भारताच्या पायाभूत सुविधांच्या विकासातील एक महत्त्वाचा टप्पा ठरला असून अभियांत्रिकी कौशल्य आणि आपल्या क्षमता ओलांडण्याच्या धाडसी दृष्टिकोनाचे प्रतीक आहे.
अनेक वर्षांपासून सह्याद्री पर्वतरांगांमधून होणारा मुंबई-पुणे प्रवास निसर्गरम्य असला तरी वेळखाऊ आणि अनिश्चित होता. महाराष्ट्राचे माननीय मुख्यमंत्री श्री देवेंद्र फडणवीस यांच्या दूरदृष्टीतून महाराष्ट्र शासनाने १३.३ किमी ‘मिसिंग लिंक’ जोडण्याची संकल्पना मांडली. हा प्रकल्प महाराष्ट्र राज्य रस्ते विकास महामंडळ (MSRDCL) यांनी साकारला आणि नवयुगा इंजिनिअरिंग कंपनी लिमिटेडने प्रत्यक्षात आणला.
महाराष्ट्र दिनी उद्घाटन झालेला हा ‘मिसिंग लिंक’ प्रकल्प अभियांत्रिकी उत्कृष्टतेचे प्रतीक ठरला आहे. खंडाळा घाटातील वाहतूक टाळून हा मार्ग प्रवासाचा वेळ सुमारे ३० मिनिटांनी कमी करतो आणि महाराष्ट्रातील महत्त्वाच्या वाहतूक मार्गावरील गर्दी लक्षणीयरीत्या कमी करतो.
या ऐतिहासिक क्षणी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सौ. सुनेत्रा पवार आणि नवयुगा इंजिनिअरिंगचे व्यवस्थापकीय संचालक श्री चिंत श्रीधर उपस्थित होते.
नावयुगा इंजिनिअरिंग कंपनी लिमिटेडचे व्यवस्थापकीय संचालक श्री चिंत श्रीधर म्हणाले, “हा केवळ जागतिक विक्रम नाही, तर भारत काय साध्य करू शकतो याचे द्योतक आहे. सह्याद्रीतील कठीण बेसॉल्ट खडकांमध्ये सर्वात रुंद भूमिगत बोगदा उभारणे ही आमच्या जागतिक दर्जाच्या पायाभूत प्रकल्पांची अंमलबजावणी करण्याच्या क्षमतेची साक्ष आहे. गिनीज वर्ल्ड रेकॉर्डकडून मिळालेली ही पावती आणि मान्यता आमच्यासाठी अभिमानाचा क्षण आहे.”
NECL चे वरिष्ठ उपाध्यक्ष आणि प्रादेशिक प्रमुख श्री रमेश सिंगूरू म्हणाले, “या प्रकल्पासाठी लाखो मनुष्यांची मेहनत, वेळ आणि चिकाटी लागली. या भव्य उपक्रमासाठी गिनीज वर्ल्ड रेकॉर्ड मिळवताना नवयुगाचे प्रतिनिधित्व करताना मला अत्यंत आनंद आणि अभिमान वाटतो.”
ते पुढे म्हणाले, “जमिनीच्या मर्यादा आणि डोंगराळ-खोलीच्या भूप्रदेशातील तीव्र उतारांमुळे प्रकल्पात मोठी आव्हाने होती. यावर सूक्ष्म नियोजन आणि प्रगत अभियांत्रिकी उपायांनी मात करण्यात आली. यात ३०० मीटर अंतरावर क्रॉस पॅसेजेस, NATM पद्धतीने नियंत्रित स्फोट तंत्रज्ञानाचा वापर करण्यात आला.”
मोठ्या जलसाठ्याखाली बांधकाम करताना अत्याधुनिक SCADA प्रणाली, उच्च-दाब पाण्याच्या फवाऱ्याद्वारे अग्निशमन, ITMS, सार्वजनिक घोषणा प्रणाली, SOS यंत्रणा आणि प्रगत वायुवीजन प्रणाली यांचा वापर करून उच्च सुरक्षामानके राखली गेली. तसेच सुमारे १८० मीटर खोल दरीत UHPFRC गर्डर्स वापरून व्हायाडक्ट बांधण्यात आले.
हा १३.३ किमी लांबीचा प्रकल्प असून त्यातील १०.६७ किमी भाग ५-लेन दुहेरी बोगद्यांचा आहे, ज्याची रुंदी प्रत्येकी २२.३३ मीटर आहे.
या प्रकल्पात:
● ८५ लाख टनांहून अधिक खडक उत्खनन
● ७,६०० टन स्टील वापर
● १.१ लाख घनमीटर शॉटक्रीट
● २.२ लाख घनमीटर PQC काँक्रीट
● ९ दशलक्ष मनुष्यतास
मुख्य वैशिष्ट्ये:
● २४x७ SCADA प्रणालीद्वारे निरीक्षण AI-आधारित नियंत्रण प्रणाली
● ANPR कॅमेरे आणि सुरक्षा नेटवर्क
● CO व NOx निरीक्षणासह वायुवीजन प्रणाली, उच्चस्तरीय अग्निसुरक्षा यंत्रणा
● ३०० मीटर अंतरावर आपत्कालीन मार्ग
● १५० मीटर अंतरावर SOS सुविधा
● FM रेडिओ व सार्वजनिक घोषणा प्रणाली
नवयुगा इंजिनिअरिंगने भारतभर चार दशकांहून अधिक अनुभवासह पायाभूत सुविधा विकासात मोठे योगदान दिले आहे. हा प्रकल्प मुंबई आणि औद्योगिकदृष्ट्या वाढणाऱ्या पुणे शहराला अधिक वेगाने जोडणार असून प्रादेशिक गतिशीलता आणि आर्थिक विकासाला चालना देणार आहे.
नवयुगा बद्दल:
Navayuga Engineering Company Limited (NECL) ही नवयुगा समूहाची प्रमुख कंपनी असून मोठ्या आणि जटिल पायाभूत प्रकल्पांच्या अंमलबजावणीत तज्ज्ञ आहे. समुद्री पायाभूत सुविधा, सिंचन आणि रस्ते क्षेत्रात अग्रगण्य असलेली ही कंपनी अभियांत्रिकी उत्कृष्टता साठी ओळखली जाते आणि आता ती शाश्वत विकासासाठी जागतिक स्तरावर नवी मानके निर्माण करत आहे.