नवीन वर्षाच्या सुरुवातीलाच दिलासादायक बातमी आहे. एलपीजी सिलेंडरच्या किमतीत कपात झाली आहे. तेल विपणन कंपन्यांनी आज LPG सिलिंडरचे नवे दर जाहीर केले आहेत.
आज 1 जानेवारी 2024 पासून LPG सिलेंडर स्वस्त झाला आहे. व्यावसायिक सिलिंडरच्या किमतीत थोडा बदल झाला आहे, तर घरगुती एलपीजी सिलिंडरच्या किमतीत कोणताही बदल झालेला नाही.
2024 मध्ये लोकसभेच्या निवडणुका होण्याची शक्यता आहे. निवडणुकीचे वर्ष असल्याने मोठी कपात अपेक्षित होती. कारण 2019 मध्ये पेट्रोलियम कंपन्यांनी घरगुती LPG ग्राहकांना नवीन वर्षाची भेट दिली होती.
14 किलो घरगुती एलपीजी सिलेंडरची किंमत 120.50 रुपयांनी कमी झाली आहे. दिल्लीत सिलिंडर 809.50 रुपयांवरून 689 रुपयांवर आला आहे.
पण यावेळचे चित्र वेगळे आहे. व्यावसायिक सिलेंडरच्या दरात आज कपात झाली आहे. आज दिल्लीत 19 किलोचा व्यावसायिक सिलिंडर 1755.50 रुपयांना मिळणार आहे. पूर्वी तो 1757.00 रुपये होते.
आज तो केवळ 1.50 रुपयांनी स्वस्त झाला आहे. त्याचबरोबर कोलकात्यात या सिलिंडरची किंमत 1869.00 रुपये झाली आहे. यापूर्वी डिसेंबरमध्ये तो 1868.50 रुपये होता.
त्यात आज 50 पैशांची वाढ झाली आहे. तर मुंबईत 1710 रुपयांना मिळणारा व्यावसायिक सिलिंडर आजपासून 1708.50 रुपयांना मिळणार आहे.चेन्नईमध्ये तो आता 1929 रुपयांऐवजी 1924.50 रुपयांना विकला जाईल.
घरगुती सिलिंडरचे दर ‘जैसे थे’ आजही, घरगुती सिलिंडरच्या दरात कोणतीही कपात करण्यात आलेली नाही. घरगुती सिलिंडर 30 ऑगस्ट 2023 च्या दराने उपलब्ध आहेत.
सध्या हा सिलिंडर दिल्लीत ९०३ रुपयांना उपलब्ध आहे. इंडियन ऑइलच्या वेबसाइटनुसार, सिलिंडरच्या दरांमध्ये शेवटची मोठी कपात 30 ऑगस्ट 2023 रोजी झाली होती.
तो 1103 रुपयांवरून 903 रुपयांवर म्हणजेच 200 रुपयांनी स्वस्त झाला होता. आज घरगुती सिलिंडरची किंमत कोलकात्यात 929 रुपये, मुंबईत 902.50 रुपये आणि चेन्नईमध्ये 918.50 रुपये आहे.