सामाजिक क्षेत्रातील आपल्या आक्रमक आणि संवेदनशीलता जपणार्या कार्यासाठी ओळखल्या जाणार्या भूमाता ब्रिगेड आणि भूमाता फाउंडेशनच्या संस्थापक अध्यक्षा सौ. तृप्तीताई प्रशांत देसाई यांच्या लग्नाला आज दिनांक 29 सप्टेंबर 2026 रोजी २० वर्षे पूर्ण होत आहेत. मात्र, आपल्या लग्नाच्या २० व्या वाढदिवसाचे कोणतेही वलय किंवा सेलिब्रेशन न करता, त्यांनी महाराष्ट्रातील सद्य दुष्काळी परिस्थितीचे भान ठेवून अत्यंत संवेदनशील आणि आदर्श निर्णय घेतला आहे.
”महाराष्ट्रातील माझा शेतकरी राजा आज भीषण दुष्काळाच्या संकटाचा सामना करत आहे, त्याच्या घरात अन्नधान्याची टंचाई आहे. अशा गंभीर परिस्थितीत मी माझ्या लग्नाचा वाढदिवस साजरा करणे किंवा शुभेच्छा स्वीकारणे मला मनापासून पटत नाही,” असे ठाम प्रतिपादन करत तृप्तीताई देसाई यांनी सर्व कार्यकर्ते, पदाधिकारी आणि हितचिंतकांना कुठलेही सेलिब्रेशन न करण्याचे आणि सोशल मीडियावर शुभेच्छा देणे टाळण्याचे आग्रही आवाहन केले आहे.
प्रेस नोटमधील प्रमुख मुद्दे व तृप्तीताई देसाई यांची भूमिका:
सेलिब्रेशन व भेटीगाठींना पूर्णविराम: दरवर्षी भूमाता ब्रिगेड व भूमाता फाउंडेशनचे राज्यातील असंख्य पदाधिकारी आणि कार्यकर्ते उत्साहाने तृप्तीताईंची भेट घेऊन, केक आणून व भेटवस्तू देऊन वाढदिवस साजरा करतात. मात्र, यंदाच्या दुष्काळी परिस्थितीचे गांभीर्य ओळखून त्यांनी कार्यकर्त्यांना प्रत्यक्ष भेटायला येणे, केक आणणे किंवा सोशल मीडियावर शुभेच्छांचे बॅनर लावणे पूर्णपणे टाळण्यास सांगितले आहे.
शेतकऱ्यांना थेट ‘गूगल पे’ द्वारे मदत करा: ज्या कार्यकर्त्यांना किंवा हितचिंतकांना मनापासून शुभेच्छा द्यायच्या आहेत, त्यांनी केक, बुके किंवा महागड्या भेटवस्तूंवर खर्च न करता, तोच पैसा एखाद्या गरजू आणि अडचणीत सापडलेल्या शेतकऱ्याला थेट ‘गूगल पे’ (Google Pay) करून त्याच्या घरात आनंद निर्माण करण्यासाठी प्रयत्न करावा, असा संदेश तृप्तीताई यांनी दिला आहे.
लवकरच दुष्काळग्रस्त भागाचा
दौरा: शेतकरी बांधवांच्या पाठीशी ठामपणे उभे राहण्यासाठी तृप्तीताई देसाई स्वतः लवकरच राज्यातील दुष्काळग्रस्त भागाचा दौरा करून शेतकरी कुटुंबांची प्रत्यक्ष भेट घेणार आहेत आणि त्यांच्या अडचणी समजून घेणार आहेत.
समाजासाठी एक वस्तुपाठ:
आपल्या वैयक्तिक आनंदापेक्षा समाजातील शेवटच्या घटकाच्या दुःखाचा विचार करणारा तृप्तीताई देसाई यांचा हा निर्णय सध्या राजकीय आणि सामाजिक वर्तुळात कौतुकाचा विषय ठरत आहे. वैयक्तिक सोहळ्यांवर हजारो रुपयांचा अवाजवी खर्च करणार्या समाजातील घटकांसाठी तृप्तीताईंनी घेतलेली ही भूमिका एक आदर्श वस्तुपाठ ठरत आहे.
”माझा शेतकरी राजा अडचणीत असताना आणि त्याच्या घरात खाण्याचे वांधे असताना आपण उत्सव साजरे करणे मला अजिबात मान्य नाही. मला वाढदिवसाच्या शुभेच्छा देण्यापेक्षा एका दुष्काळग्रस्त शेतकर्याच्या चेहऱ्यावर हसू आणणे हीच माझ्यासाठी खरी भेट ठरेल.”
— सौ. तृप्तीताई प्रशांत देसाई (संस्थापक अध्यक्षा – भूमाता ब्रिगेड, भूमाता फाउंडेशन)
