शालेय फुटबॉल स्पर्धेत शिवाजी इंग्लिश मीडियम स्कूलचे दैदिप्यमान यश!

१४ वर्षे वयोगटात द्वितीय क्रमांक पटकावत जिल्हास्तरीय स्पर्धेसाठी निवड; १७ वर्षे वयोगटात तृतीय क्रमांक

श्री शिवाजी शिक्षण प्रसारक मंडळ, सासवड संचलित शिवाजी इंग्लिश मीडियम स्कूल अँड ज्युनिअर कॉलेज, सासवडच्या विद्यार्थ्यांनी दिवे येथे दि.१० सप्टेंबर २०२६ रोजी पार पडलेल्या शालेय क्रीडा स्पर्धेतील तालुकास्तरीय फुटबॉल स्पर्धेत उल्लेखनीय कामगिरी करत विद्यालयाच्या शिरपेचात आणखी एक मानाचा तुरा खोवला.
१४ वर्षे वयोगटातील मुलांच्या संघाने उत्कृष्ट खेळाचे प्रदर्शन करत द्वितीय क्रमांक पटकावला असून, या शानदार कामगिरीच्या जोरावर संघाची जिल्हास्तरीय फुटबॉल स्पर्धेसाठी निवड झाली आहे. विद्यार्थ्यांनी संपूर्ण स्पर्धेत सांघिक भावना, शिस्त, आत्मविश्वास आणि उत्कृष्ट क्रीडाकौशल्याचे दर्शन घडविले.
तसेच १७वर्षे वयोगटातील मुलांच्या संघानेही दमदार खेळ करत तृतीय क्रमांक मिळविला. दोन्ही संघांच्या या यशामुळे विद्यालयाच्या क्रीडा क्षेत्रातील उज्ज्वल परंपरेत आणखी एक मानाचा अध्याय जोडला गेला आहे.
या यशासाठी क्रीडा शिक्षक श्री. संतोष गलांडे सर यांनी विद्यार्थ्यांना सातत्यपूर्ण मार्गदर्शन, सराव व योग्य प्रशिक्षण दिले. त्यांच्या मार्गदर्शनाखाली विद्यार्थ्यांनी मेहनत, शिस्त आणि संघभावनेच्या जोरावर हे यश संपादन केले.
या उल्लेखनीय यशाबद्दल विद्यालयाचे प्राचार्य डॉ. अभिजीत टकले सर, उपप्राचार्य सुषमा रासकर मॅडम, तसेच संस्थेचे सर्व अधिकारी व पदाधिकारी यांनी यशस्वी विद्यार्थी, क्रीडा शिक्षक व सर्व संबंधित शिक्षकांचे मनःपूर्वक अभिनंदन केले. तसेच जिल्हास्तरीय स्पर्धेसाठी निवड झालेल्या विद्यार्थ्यांना पुढील वाटचालीसाठी हार्दिक शुभेच्छा दिल